Thursday, December 23, 2010

GURITAN DUSON PERDIPE

GURITAN DUSUN PERDIPE

(SEJARAH TANAH SEMENDE)
(SYAIR: FEKRI JULIANSYAH)

Iluk pule pangkal guritan
mane ringkih pangkal pantunan
ini die karang cerite
cerite dusun bedame Perdipe
dusun tue kate Puyang madaknye


Perdipe……..
Negeri itu
Mekkah kecik julukannye
Nerangi Besemah nga tanah Semende
Ayik Lematang di di lembaknye
Talang Tumutan Tujuh itu badahnye…

Tahun itu……..
1483 Masihi
Tecatat dalam kitab Kahas sampai damenye tembe
Syech Baharuddin name jemenye
Nur Qodim itu gelarnye
Puyang Awak anak cucung mantaunye
Ncetuskah adat bedame SEMENDE

Perdipe….
Begilir dame njadikanye becahaye
San di Puyang Awak, Puyang Lebih Penghulu
Hingge Ninik Kiaji Oemar ye meleginde

Hukum Adat ditegakkah!
Hukum Agame dijalankah!
Peturat diagungkah!
Sepate didengaghkah!
Simbur cahaye jadi pesake semista!

Ini die ganjur guritan
empuk setetak mangke keruan
pailah ading sanak kite payagh (payae)kah
tuturan puyang kite indekah...

Di sane….
Tetegak Adat Semende
Tecetus pule Lampik Empat Merdike Due
Lembaga Adat Besendikah Agame
Pencipte banyak pare ulame
Kandik Negakkah Peturat di denie

Mak ini ahi….
Perdipe tinggal cerite
Luk negeri dik benyawe
Banyak jeme dik tau asal-usulnye
Banyak pule ye melupekanye

ui...bejalan ke Pelang Kenidai
jangah dik naik ke makam Puyang
guritan kucukupkah kudai
jangah dibalik empuk dik ribang

1 comment:

  1. bng aku minta tolong di perbanyak guritanye tolong nian kang soale aku ni ade tugas mbut guritan, atau pantu daerah kang banyak bayak. terimah kasih sebelum kang

    ReplyDelete